Marcos itinalaga si Ret. PNP Gen. de Leon bilang NICA chief; Guillermo bagong BIR Commissioner

PINANGALANAN na rin ng kampo ni President-elect Bongbong Marcos ang mga susunod na mamumuno sa National Intelligence Coordinating Agency (NICA) at Bureau of Internal Revenue (BIR).

Ayon kay Presidential Communications Operations Office Secretary-designate Trixie Angeles, napili ni PBMM bilang susunod na director-general ng National Intelligence Coordinating Agency si dating PNP Deputy Director General Ricardo de Leon.

Si de Leon ay nagtapos sa Philippine Military Academy (PMA) Matatag” Class of 1971.

Si de Leon ay kasalukuyang presidente ng Philippine Public Safety College.

Samantala, itinalaga rin ni Marcos si Lilia Guillermo bilang Commissioner ng Bureau Internal Revenue.

Si Guillermo ay dating Deputy Commissioner ng BIR at kasalukuyang nagsisilbing Assistant Governor ng Bangko Sentral ng Pilipinas at pinuno ng BSP Technology and Digital Innovation Office at BSP I.T. Modernization Roadmap of 2018-2033.

Kinilala si Guillermo bilang isa sa mga nagpatupad ng Philippines Tax Computerization Project na ginamit bilang modern tax collection system ng BIR at Bureau of Customs (BoC).

Samantala, itinalaga rin ni Marcos si Atty. Romeo “Jun” Lumagui Jr. bilang Deputy Commissioner for Operations ng BIR.

Inaasahang makukumpleto ang gabinete ng susunod na administrasyon bago sumapit ang Hunyo 30, 2022, na simula ng panunungkulan ni Marcos.