GM Laylo kampeon sa 2022 SG Chess sa Singapore

NAGKAMPEON si Grandmaster Darwin Laylo ng Pilipinas sa katatapos na 2022 SG Chess Festival Classical title sa paglikom ng 5.5 points na ginanap sa Grand Copthorne Waterfront Hotel sa Singapore nitong Sabado, Hunyo 18, 2022.

Tumapos ang Dasmarinas City bet grandmaster ng undefeated sa torneong ito na tampok ang 97 kalahok.

Nakaipon din si Fide Master Masruri Rahman ng Indonesia ng 5.5 points mula sa total six rounds subalit nagkasya sa second place dahil sa lower tie-break score.

Nag draw sina Laylo at Rahman sa huling laro.

Samantala sina Fide Master Arlan Cabe at Fide Master David Elorta, mula PIlipinas ay nanguna sa huge group ng 5.0 pointers na kinabibilangan nina IM Ali Muhammad Lutfi ng Indonesia, CM Jayden Wong at FM Ashvin Sivakumar ng Singapore. (Alberto Dacallos Jr.)