OMNI AVIATION TRAINING OPERATIONS, SINUSPINDI NG CAAP MATAPOS ANG PAMPANGA EMERGENCY LANDING

IPINAG-UTOS ng Civil Aviation Authority of the Philippines (CAAP) ang pitong araw na suspension ng lahat ng flight at ground training operations ng Omni Aviation’s Approved Training Organization (ATO).

Ang nasabing suspension ay kasunod ng emergency landing ng aircraft RP-C8864 nito sa Arayat, Pampanga, nitong October 3, 2026.

Ayon kay CAAP spokesman Eric Apolonio, “the suspension took effect on October 4, 2026, as a precautionary safety measure to allow CAAP to conduct a thorough investigation into the incident.”

Ani Apolonio, ang Pilot-in-Command (PIC) sa nasabing insidente ay suspendido din ng pitong araw mula sa kanyang pribilehiyo bilang pilot at flight instructor.

“The CAAP, under the leadership of CAAP Director General Retired Lt. Gen. Raul Del Rosario, reiterates that safety remains its highest priority,” ani Apolonio.

Idinagdag pa niya ang pagtitiyak ni Del Rosario na lahat ng kinakailangang hakbang ay gagawin ng CAAP upang mabigyan ng proteksyon ang mapanatiling ligtas ang lahat ng flight operations, aviation personnel at ang publiko. (JERRY S. TAN)