Dael pasok sa SEATTC KO stage

DINISPATSA ni Emy Rose Dael ng Pilipinas si Ho Ying ng Malaysia, 11-8, 11-4, 10-12, 7-11,11-5, upang makapasok sa main draw ng women’s singles sa South East Asia Table Tennis Championship (SEATTC) sa Fashion Island Hall sa Pattaya,Thailand.

Umusad rin sa next round si Kheith Rhynne Cruz matapos iposte ang 11-2,11-4,11-6, victory kontra Bui Ngoc Lan ng Vietnam.

Gayunpaman, Si Dael ay bigong nakapasok sa semifinal berth sa women’s doubles matapos siya at ang kanyang partner Keziah Bien Ablaza yumuko kay Zeng at Wong Xin Ru ng Singapore, 11-13,3-11,2-11.

Sa men’s doubles, Jann Mari Nayre at Eljey Dan Tornis ng Pilipinas ay natalo sa quarterfinal match kina Chew Zheyu Clarence at Poh Shao Feng Ethan ng Singapore, 5-11,5-11, 9-11.

Sa mixed doubles, Japhet Adasa at Cruz nabigo kina Senggarthid Vongdalasin at Ninapha Kongphet ng Laos, 4-11,1-11,11-8, sa quarterfinal round.