Panukalang batas na bubuo ng Bulacan Airport City zone ibinasura ni Marcos

NA-VETO ni Pangulong Ferdinand “Bongbong” Marcos Jr. ang batas na magtatatag ng economic zone at Freeport sa Bulacan Airport City.

Sinabi ni Press Secretary Trixie Angeles, vetoed ang naturang batas.

Nasa $15 bilyon ang inilagak na puhunan ng San Miguel Corporation para sa pagpapatayo sa 2,500 na airport.
Batay sa liham ni Marcos sa Kongreso noong July 1, sinabi nito na pasisikipin nito ang tax base ng bansa.

Magdudulot lamang kasi aniya ito ng fiscal risk at may conflict sa ibang sangay ng ahensya ng gobyerno.

Inatasan ni Marcos ang National Economic and Development Authority at Regional Development Council na pag-aralang mabuti ang panukalang batas.

Tinatayang nasa 100 milyong pasahero ang masi-serbisyuhan ng Bulacan airport kapag naging operational na. (Josephine Patricio)