Eala, Ribera laglag sa World Tennis Tour semis

NABIGONG makapasok sina fourth seeds Alex Eala ng Pilipinas at lokal player Marina Bassols Ribera sa semifinals sa women’s doubles ng $25,000 International Tennis Federation (ITF) World Tennis Tour sa Palma del Rio City,Spain.

Nalasap nina Eala at Ribera ang 2-6,0-6 setback mula sa top seed pair nina Valeria Savinykh at Fanni Stollar ng Hungary, upang masungkit ang titulo matapos idispatsa ang pares nina Celia Cervino Ruiz ng Spain at Justina Mikulsyte ng Lithuania, 7-6,(3), 6-2, sa finals.

Umabante sina Cervino at Mikulskyte sa semifinal round kasunod ng 6-3,6-4, wagi kontra second seeds Nicole Fossa Huergo at Federica Rossi ng Italy.

Sumabak rin si Eala 17, sa singles event kung saan yumuko siya kay second seed Jessika Ponchet ng France, 2-6,1-6.

Nakapasok si Ponchet sa final pero dinaig siya ni fifth seed Ribera, 5-7,6-4,6-3.

Samantala, Sa Portugal ngayon si Eala para sa isa pang $25,000 ITF event na lalaruin sa Clube Recreativo e Desportivo Brasileiro Rouxinol hardcourt.

Ka partner ni Eala si Lizette Cabrera ng Australia. Makakasagupa nila sina Mariana Galvao Borges ng Brazil at local Maria Beatriz Teixeira sa first round.

Ang best performance ni Eala sa siyam na tournaments ngayon taon ay sa ITF Platja d’Aro sa Catalonia, Spain noong Mayo kung saan siya at partner Oksana Selekhmeterva ng Russia narating ang final pero natalo kay Mikulskyte and Oana Georgeta Simion ng Romania, 3-5, 5-7.