OLA’ PSC CHAIRMAN EALA!

MARAMI ang natuwa dahil sa wakas ay mayroon nang chairman ang Philippine Sports Commission.

Higit dalawang buwan kasi bago nanombrahan ni Pangulong Bongbong Marcos ,Jr. ang kapalit ni dating sports czar Butch Ramirez at mabuti na lang ay nasa mabuting kamay ni OIC ( E.D.) Atty. Guillermo Iroy ang timon sa naturang government sports agency kaya tuloy ang operasyon at di naudlot ang momentum sa mga latest na tagumpay at pagbibigay karangalan ng ating mga pambansang atleta sa international na kumpetisyon.

Gayundin ang pangangalaga sa ating mga modernong bayani mula talent identification, innovation sa training hanggang sa pagiging elite athletes at op kors ang kapakanan din ng rank and files na kawani ng ahensiya.

Hindi na sorpresa sa korner na ito ang pagdating bilang appointed PSC head ni PBBM si Chaiman Noli Eala dahil batid nating matagal nang magkasangga noong panahon ng pakikibaka si Apo Bongbong at dating Kume Eala sa PBA.

Op kors ang desisyon ni PBBM ay di ikinatuwa ng lahat sa rason na ang PSC ay kumakalinga ng higit cuarenta na national sports association kaya anila ay baka di kayanin ang pagmando ng multi-sports involved.

Kilala si Eala sa larangan ng basketball pero ngayong PSC na ang kanyang timon ay napakalawak ng kakalingain kaya buti na lang nariyan si E.D. Iroy na makakaagapay ng Chairman sa mahahalagang desisyon labas sa basketball gayundin ay wish ng korner na ito na si Ms Malyn pa rin ang in-charge sa PCO at media affairs.

Eniwey ay hangad natin ang tagumpay ng liderato ni Chair Eala sa diwa ng tunay na pagkakaisa ng lahat para sa bansa.

Ngayong araw ng Lunes ang unang pag-attend ng flag ceremony ni chairman Noli.

Sana ay tuloy ang mabuting programa para sa Philippine sports na gold..gold…GOLD!!!OLA chairman EALA!

Para sa reaksyon, kumontak sa# 09664708999.