Send-off ceremony ng MARSLEG sa National Headquarters ng PCG, isinagawa

Nagsagawa ng send-off ceremony para sa Maritime Security Law Enforcement Group (MARSLEG) sa National Headquarters ng Philippine Coast Guard sa Port Area, Manila, nitong Lunes, Mayo 20, 2024.

Itatalaga ang MARSLEG sa pangangasiwa at pagpapatupad ng mga batas, patakaran, alituntunin, tuntunin, at regulasyon na nauukol sa seguridad sa transportasyon sa dagat at imprastraktura sa dagat sa bansa.

Binubuo ang grupo ng Coast Guard K9 Force (CGK9F), Coast Guard Security and Border Protection Force (CGSBPF), Coast Guard Surface Patrol Force (CGSPF), Coast Guard Investigation and Detection Force (CGIDF), at Coast Guard Sea Marshall Force (CGSMF).

Itatalaga ito sa ilalim ng operational control ng Coast Guard Districts sa kani-kanilang mga lugar ng responsibilidad.(Itoh Son)