DND Sec. Galvez iminungkahi na tanggalin ang ‘fixed terms’ sa AFP

INIREKOMENDA ni Defense Secretary Carlito Galvez Jr. sa Senado na tanggalin ang “fixed terms” ng mga pangunahing opisyal ng Armed Forces of the Philippines (AFP).

Sinabi ni Galvez na ang Senado — na nagbabalak na amyendahan ang Republic Act 11709 o ang Act Strengthening Professionalism sa Armed Forces of the Philippines — ay nagpahayag ng suporta sa kanilang rekomendasyon.

Ayon kay Galvez, kung tatanggapin ng Senado ang kanilang rekomendasyon, magiging “flexible” at hindi absolute ang career management ng Armed Forces of the Philippines key officers.

Kung maaalala, sinabi ni Galvez na ang three year fixed term ay maaaring humantong sa pagtigil sa yugto ng promosyon sa Armed Forces of the Philippines at demoralisasyon sa mga opisyal ng militar.

Ang RA 11709, na nagbibigay ng tatlong taong nakatakdang termino para sa mga pangunahing opisyal ng Armed Forces of the Philippines kabilang ang chief of staff, ay nilagdaan ni dating Pangulong Rodrigo Duterte ilang buwan bago siya bumaba sa pwesto bilang pangulo ng ating bansa.