DATING SENADOR RODOLFO’PONG’ BIAZON, PUMANAW KASABAY ANG ‘ARAW NG KALAYAAN’

PUMANAW na ang dating AFP Chief of Staff, miyembro ng Philippine Senate at House of Representatives na si General Rodolfo Gaspar Biazon.

Ang matinding kalungkutan na ibinalita kaninang umaga mula sa pamilya Biazon na tumunog na ang kampana at ang huling Taps ay kinanta na para sa butihing dating namuno ng Sandatahang Lakas ng Pilipinas.

Kaalinsabay ng ika-125 Araw ng Kalayaan, bandang 8:30am, ang sundalong nag-alay ng kanyang buhay at nag-alay nito sa linya sa pagtatanggol sa kalayaan at demokrasya ng bansa ay pinalaya rin mula sa mga pasakit ng mundong ito.

Si Biazon,88, ay na-diagnose na may kanser sa baga noong Hulyo ng 2022 at sumailalim sa naaangkop na paggamot. Sa taong ito, siya ay nakakuha ng pulmonya nang dalawang beses, ang pangalawa ay mas malubha kaysa sa una na nagpapahina sa kanyang mga baga.

Ayon sa pamilya Biazon,buong tapang na nakipaglaban sa kanyang ‘huling labanan’ tulad ng gagawin ng isang Marine sa digmaan ngunit ang kalooban ng Panginoon ang nangingibabaw.

Ang pamilya ay nagpapasalamat na nagawa nilang gugulin ang mga huling sandali ni Pong ( tawag kay Biazon) na naging mapayapa.

Sa isang mensahe na ipinarating ng buong pamilya Biazon kasama ang mga manugang,apo at apo sa tuhod ay nagpapasalamat sila sa lahat ng nagbigay ng suporta, pagmamahal at pakikipagkaibigan kay Papa ‘Pong’ noong ang kanyang aktibong mga taon at sa takipsilim ng kanyang buhay.

SI Biazon ay nanungkulan bilang chief of staff ng Armed Forces of the Philippines noong panahon ng administrasyon ni late president Corazon Aquino. Siya ay nagtrabaho bilang senator simula 1992 hanggang 1995 at muling nahalal noong 1998.

Siya ay nagserbisyo sa Senate hanggang 2010. Ang kanyang naulila ay ang asawang si Monchie, mga anak na sina Richie, Rino at Muntinlupa City Mayor Ruffy Biazon. (JOJO SADIWA)