4 Filipino billiard players sasabak sa Vietnam sa October

APAT na players mula sa Marboys Billiards Club ang aalis sa Oktubre 1, para lumahok sa dalawang tournaments sa Vietnam.

Jefrey Roda, Bernie “Li’l Prince” Regalario, Marvin “Shadow Assassin’’ Asis, at James “Dodong Diamond” Aranas sasabak sa Peri 9-Ball Open, a world 9-Ball Tour ranking event naka- iskedyol sa Peri Pool Arena sa Oktubre 5-9, at ang Hanoi Open Pool Championship na gaganapin sa Hanoi Indoor Games Gymnasium sa Oktubre 10-15.

May kabouang 256 players, na pamumunuan ng kasalukuyang world champion Francisco Sanches Ruiz ng Spain, ang sasabak sa Hanoi Open, na may alok na USD200,000 cash prize.

“Time and time again, our cue athletes have proven their excellence and ability to win medals in cue sports, like in the recent World Cup of Pool in Europe. We want to build on that momentum and further strengthen men’s participation through this event,” Wika ni Marboys Billiards Club head JR Velasco Huwebes ng gabi.

“We are happy to inform you that we were able to secure a three-year professional contract from Peri Cues for Bernie Regalario, while Marvin Asis and James Aranas signed with Cueless and Omin Cues for five years.”

Roda, 23, na lumaki sa Lianga, Surigao del Sur, ay silver medalist sa 2014 World junior of Pool sa Shanghai,China. Nagwagi ng gold medal sa 2015 Asian Junior of Pool sa Chinese Taipei.

Natumbok rin niya ang silver medal sa 2019 International Billiards & Snooker Federation World Men’s Championship sa Antalya, Turkey.

Sa Southeast Asian (SEA) Games, nakuha nya ang bronze medal sa Manila (2019) at silver sa Vietnam (2022)

Ang 18-year-old Regalario mula sa Parañaque City nangibabaw sa 2020 Predator-Volturi 9- Ball Cup sa AMF-Puyat Makati Cinema Square.

Asis, ang 23-year-old pride ng Imus, Cavite, nagwagi kontra sa dating world 8-ball at 9-ball champion Efren “bata” Reyes sa series of events.

Habang si Aranas, ng General Trias City sa Cavite, naghari sa World Cup of Pool title kasama si Johann Chua sa Lugo,Spain noong Hulyo.

Umiskor sila ng 11-7 victory laban sa German Joshua Filler at Moritz Neuhausen sa finals.