2 BUCOR PERSONNEL NG NBP, TIKLO SA ENTRAPMENT OPERATIONS

DALAWANG tauhan ng Bureau of Corrections (BuCor) ang naaresto ng mga awtoridad mula sa magkakahiwalay na entrapment operations matapos na masangkot sila sa kaso nang panunuhol sa pag-iisyu ng mga baril sa armory ng New Bilibid Prison (NBP), Muntinlupa City kamakailan.

Batay sa ulat na isinumite ni BuCor Director General Gregorio Pio Catapang Jr. kay Justice Secretary Crispin Remulla, nakilala ang dalawang correction officers na sina CO1 Arnel Jemero,42, nakatalaga sa Perimeter and Post Tower Security ng Maximum Security Compound habang si CSO2 Henry Escrupolo,54, ay nakatalaga bilang pinuno ng Escorting Unit ng naturang bilangguan.

Positibong itinuro naman ng biktimang si CO1 Marvin Asoy ang dalawang suspek na umano’y may kinalaman sa ‘panunuhol’ sa una kapalit ang halagang P6,500 para mapadali ang pag-iisyu sa kanyang ng short firearm mula sa BuCor Armory.

Ayon kay Catapang, unang ikinasa nang pinagsanib na elemento ng Monitoring Team ng BuCOr Office of the Director General for Operations sa pangunguna ni C/INSP Mario Francis Reas at mga miyembro ng Muntinlupa Ang Police Station sa pangunguna ni PCapt, Eugene Alambra, ang entrapment operation noong Miyerkules (Sept. 20) sa Katihan St., Barangay Poblacion, Muntinlupa City na nagresulta sa pagkakaaresto kay Jamero.

Bago siya arestuhin, may naunang kasunduan si Jamero sa biktimang Asoy na ibigay ang halagang P6,500 kapalit ng pag-iisyu ng short firearms nito.

Nakumpiska ng mga awtoridad kay Jamero ang isang unit ng Glock 17 Gen 4 9mm pistol na may serial Nr. Arch, three pieces magazine, 55 pcs 9mm live ammunition, assorted identification card, cash money na nagkakahalaga ng P19,420, body bag at cellular phone, at one hundred peso bill na nakabalot sa 12 pcs dusted printed cut 1000 peso bill na nakalagay sa short brown sobre kasama ang dalawang pcs ng photocopy ng BuCor Identification Card ng mga tauhan ng BuCor. Ang kulay green niyang Mitsubishi Lancer na may plate no. Na-impound din ang XMR 137.

Sinabi ni Jamero sa mga awtoridad na ibibigay na lang niya ang pera sa isang CSO2 Escrupolo na pinuno ng Escorting Unit na naging dahilan upang magsagawa ng panibagong entrapment operation sa parehong araw bandang 1:45 ng hapon matapos i-text ni Acejo si Escrupolo kung saan ay inatasan siya na ihatid ang pera sa kanyang opisina.

Nagtungo agad ang mga operatiba sa Bukang Liwayway, NBP Reservation, Brgy. Poblacion, Muntinlupa City kung saan nakumpiska sa pag-iingat ni Escrupolo ang isang Glock 17 Gen 4 9mm pistol na may Serial Nr. Arch, tatlong pcs magazine, isang extended magazine, 69 pcs ng live ammunition, isang BuCor ID at isang cellular phone.

Sa pagsuri sa pag-verify sa cellphone ni Escrupulo, nalaman ang pakikipagpalitan umano nito ng mga text messages kay C/SINSP Alex Hizola, Chief Armory, kaugnay ng pag-iisyu ng mga baril subalit nanatiling walang kinalaman ang huli sa pagkakaroon ng personal na kaalaman sa mga ilegal na transaksyon.

Sinabi ni Catapang na inihahanda na ang administratibo at naaangkop na mga kasong kriminal laban sa mga sangkot na tauhan ng BuCor.

“ I have warned BuCor personnel to mend their ways but if they will continue their bad habits and refused to cooperate with the reforms we are implementing, I am sorry to say that we will not stop in our relentless effort to arrest and filed charges against them,” ani DG Catapang. (JOJO SADIWA)