Sundalo nasawi sa engkuwentro

NASAWI ang isang sundalo nang maka-engkuwentro ng militar ang isang armadong grupo sa Laur, Nueva Ecija.

Kinilala ang napatay na sundalo mula sa 84th Infantry Battalion na si First Class Sher Nelson Casayuran, 27 anyos.

Ayon sa mga residente, tumagal ng kalahating oras ang sagupaan ng militar at rebeldeng grupo sa lugar.
Iniulat ng Philippine Army 7th Infantry Division na bago ang engkuwentro, nakatanggap sila ng tawag mula sa isang concerned citizen na may 10 katao ang nangha-harass o nanggugulo ng mga residente sa lugar.

Patuloy pa ang hot pursuit operation ng militar, at pinaigting ang seguridad sa lugar para sa kaligtasan ng mga residente.