Choco Mucho vs Creamline sa Finals

SA unang pagkakataon sa kasaysayan ng Premier Volleyball League (PVL), Ang Choco Mucho ay patungo sa Finals.

Ito, ay matapos ilampaso ng Flying Titans ang Cignal HD Spikers,25-20,23-25,26-24,25-23,sa Game 3 para makamit ang 2023 PVL All-Filipino Conference best-of-3 semifinal series, 2-1 sa PhilSports Arena Martes, December 12.

Pinamunuan ni Sisi Rondina ang opensiba ng Flying Titans sa iniskor na 21 points at 19 excellent receptions.

Deanna Wong kumana ng 24 excellent sets para sa Choco Mucho na nalagpasan ang 0-1 series defecit at ipuwersa ang Finals duel kontra sister team at defending champion Creamline.

Sisimulan ng Flying Titans at Cool Smashers ang kanilang best-of-3 Finals series Huwebes sa Mall of Asia Arena.

Ang Game 2 sa Sabado,Disyembre 16, sa Araneta Colesium, Habang ang Game 3, kung kailangan ay gaganapin sa Disyembre 19, sa Araneta.

Samantala, ang Chery Tiggo ay sisimulan ang kanilang best-of-three para sa third place alas 4 ng hapon.