Fire sub station sa Brgy. West Rembo na isinara ng Makati muling bubuksan

Muling bubuksan ng Makati City LGU Kasama ang DILG ang Fire Sub-Station sa barangay West Rembo na unang isinara ng pamahalaang lungsod ng Makati.

Ito’y matapos umalma ang mga residente ng nasabing Baranggay dahil sa pangambang wala nang mag rerespondeng bombero sa kanilang lugar kapag may mangyaring sunog.

Galit na Galit naman si Senator Alan Peter Cayetano sa kanyang Facebook live sa ginawa ng Makati LGU dahil sa buhay ng mga residente anya ang nakataya dito at hindi ang usapin sa politika.

Hindi rin makatarungan ayon pa kay Cayetano ang ginawa ng Makati ang pagsasara sa mga health center ng EMBO Baranggays na nasa hurisdiksyon na ng lungsod ng Taguig. (CESAR MORALES)