Mike Tan masaya na kinaiinisan sa serye

Ni ROMMEL GONZALES

EPEKTIBONG kontrabida sa Love. Die. Repeat. pero hindi pa naba-bash si Mike Tan.

Bilang ex-boyfriend ni Angela (Jennylyn Mercado) na si Elton, naipakita ni Mike sa viewers ang kanyang husay dahil marami ang naiinis kay Elton.

Lahad ni Mike, “Masaya ako kasi naiinis sila doon sa character ko. Ibig sabihin naa-appreciate nila yung trabaho naming lahat, naapektuhan sila.

“Hindi rin naman magiging effective yung character ko without our director, si direk Jerry Sineneng.

“Kung wala din doon si Xian [Lim] at si Jen, si Valeen [Montenegro], hindi rin magiging effective yung role ko. Para maging effective yung role ko bilang villain, kailangang mag-react din sila nang maayos kung papano ko ginagawa yung atake ko.

“I think napapansin nila yun kasi magaling din ‘yung mga kasama kong artista,” saad pa ni Mike na mas lalong gumuwapo ngayon.

Paano niya binuo ang pagkatao ni Elton?
“Two years ago, noong ginawa namin siya, nakikipag-usap na ko kay direk Irene (Villamor na direktor din ng LDR) kung paano namin binubuo yung character.

“Actually naka dalawang meeting kami, dalawang beses ko siyang pinuntahan doon sa cabin niya kung saan siya nag-i-stay para mabuo ko yung character talaga ni Elton.

“Medyo malaking part yung ginagawa ni Elton para doon sa mga loops so kailangan kong malaman. Kailangan ko malaman kung saan nanggagaling si Elton, kung anong klaseng pamilya ang meron siya para maintindihan ko kung saan siya nanggagaling as a person.

“Bakit ganoon yung ugali niya. Bakit siya obsessed kay Angela. “Lahat yun kailangan kong buuin sa isip ko,” lahad pa ni Mike.

Napapanood ang Love. Die. Repeat., Lunes hanggang Biyernes, 8:50 p.m. sa GMA Prime. Mapapanood din ito sa GTV 10:50 ng gabi.

***

GAGANAPIN ngayong araw ng Sabado, February 3, 2024 ang grand launch ng Bedan Response for the Development of Sports In San Beda (B Red in Sports, Spearheaded by the Athletics Department ng San Beda), na bahagi ng Grand Alumni Homecoming na magsisimula sa registration ala-una ng tanghali.

Susundan ito ng sari-saring activities tulad ng eleksyon ng limang miyembro ng San Beda University Alumni Association o SBUAA Board of Trustees, Ratification of SBUAA Articles of Incorporation and By-Laws, issuance of Alumni ID, campus tour, holy mass, Dugong Bedista Awards, Renewal of Alumni Oath to be led by Atty. Dominador Buhain, San Beda Red Corp Cheerleading Exhibition, homecoming dinner, program proper, at marami pang iba, with bonggang pa-raffle.

Gaganapin ito sa mismong compound ng San Beda University sa Mendiola sa Maynila.