Marion Aunor nasungkit ang 2 major awards sa 15th Star Awards for Music; Rita Daniela & Co-Sparkle Artists New Brand Ambassadors ng iSKIN Aesthetic Lifestyle

Ni PETER S. LEDESMA

SA katatapos lang na 15th PMPC Star Awards for Music ay dalawang tropeo ang nasungkit at naiuwi ni Marion Aunor. Siya ang nagwaging “Female R&B Artist of the Year” para sa awitin niyang Traydor Na Pag-ibig” at  ang Nosi Balasi na waging “Revival Recording of the Year.”

Super happy si Marion and best birthday gift for her ang awards o recognitions na tinanggap mula sa prestigious na Star Awards for Music. Kabilang ang mga awiting ito ni Marion sa soundtrack ng blockbuster movie ni Direk Darryl Yap na “Maid In Malacañang.” At sa post niya sa kanyang official Facebook account na nirepost din ng kanyang dear Mom Maribel na very proud of her ay naririto ang mga taong pinasalamatan ni Marion sa dalawang major awards na napanalunan. “Thank you PMPC Star Awards for the recognition & thank you Lord for another blessing. Also want to say thank you to Direk Darryl Yap, Boss Vic and my Viva family-I would not have gotten these awards if my music hadn’t been a part of your wonderful films.

“Shout out as well to my record label, Wild Dream Records, our music prod company Aunorable Productions, and especially my sister and co-producer Cool Cat Ash-these songs/renditions wouldn’t exist without you. Lastly, I want to thank my mom @lala_aunor for supporting me and ash (Ashley Aunor) through everything. Love you!”

***

ANG bongga ng iSKIN Aesthetic Lifestyle ni Ma’am Beautiful Kate Pagkalinawan na President at CEO nito, at apat ang bagong celebrity endorsers o Ambassadors ng kanyang BEAUTY CLINIC.

Last Wednesday, April 24 ay sabay-sabay na pumirma ng 1 year exclusive contract sa iSKIN sina Rita Daniela, Olive May (ex-member ng Calista), Rein Hillary at Brent Valdez na pawang may mga project sa GMA 7. Present sa said contract signing si Ma’am Tracy Garcia (Senior Talent Manager of GMA Network), Ms. Anne P Ignacio (Assistant Vice President for Sparkle Talent Sales, Imaging and Branding), Ma’am Kate Pagkalinawan na owner nga ng iSKIN at ang Bff Celebrity lawyer friend nito na si Atty. Maggie Abraham-Garduque.

And for Rita ay itinuturing niyang big blessing this year ang maging endorser ng iSKIN na alam niyang aaalagaan ang kanyang skin. Yes, totoo na kapansin-pansin sa event na lalong gumanda si Rita at ito ay dahil sa ultrasonic face contour and diamond peel na nakadadagdag ganda na ginawa sa kanya ni Dra. Judi Anne Javier na favorite rin ng mga clients at celebrities gaya ni Precious Lara Quigaman na matagal na ring endorser ng iSKIN na located sa 2nd Floor ng AIRMALL Tindalo St, San Antonio Village, Makati City at nasa likod lang ito ng Philippine AXA Life Centre.

***

Monet Lu Suportado Ang Bff Na Si Charles Micu

AMING naka-chikahan both ang magkaibigang Monet Lu at Charles Micu na nurse by profession. Kapag may time ang mag-bff ay nagba-bonding sila sa pagkain sa favorite resto nila and unwind din sa mga sikat na coffee shop sa Los Angeles, California.

Pagbibida ng aming dear friend Monet kay Charles, napakabait daw nito at masipag. Kaibigan nito ang ating Concert King na si Martin Nievera. Si Charles daw ang nagsisilbing Production Assistant ni Martin kapag may show siya sa LA. Ilan pa sa mga sikat na local singers na inaalalayan ni Charles ay sina Pops Fernandez, Regine Velasquez, Ogie Alcasid. At ang showbiz couple na sina Dingdong Dantes at Marian Rivera, etc.

Napaka-sweet.naman daw kasi nitong si Charles kaya’t madali siyang makagaanan ng loob ng mga artista at singers. Kay Monet naman happy ito  at siya pa rin ang favorite Make up Artist at Hairstylist sa Hollywood, California.

Well, mahigit 4 decades na nag-ooperate ang MONET LU SALON ni Monet kaya proven na expertise nito sa pagpapaganda.  MONET  LU SALON is located at 13553 Roscoe Blvd, Panorama City in the Valley right next to MAMI KING.