Advertisers

Advertisers

BATANG TRAPO

0 2,126

Advertisers

Malaking pagkakamali ng alkalde ng Lungsod Quezon sa pagsuporta sa batang kandidato sa pagka-Kapitan ng Barangay Krus na Ligas noong nakaraang halalan. Hindi iginiit ang pagkakamali kung ang nais ng alkalde ang magkaroon ng halintulad na lider, bata, magaling, mula sa magandang pamantasan, may dunong(?), malaki ang potensyal sa maraming bagay higit sa pagiging trapo o traditional politician. Tila naiibigan ng alkalde ang kinikilos ng kapitana este kapitan. Subalit, tuwirang sasabihing nagkamali ang alkalde sa pagpili ng lider barangay kung usapin sa kaayusan, pamamalakad sa nasasakupan, higit sa usaping moralidad. Sa ilang buwan sa paglagi sa upuan ng barangay ‘di makita ang maayos na pagdadala bilang lider ng barangay.

Sa totoo lang, maraming patimpalak ng mga kabaklaan (tabi-tabi) na inaabot ng madaling araw. Nariyan ang walang tigil na liga ng basketbol na inaabot ng gabi hanggang madaling araw. Dahil palaro kuno ng konsehal ng distrito 4, walang pakundangan ang announcer ng laro kahit sa dis-oras ng gabi. Para saan at si Konsehal ang nagpalaro, “Skies the Limit” sa salita. Na sa totoo lang, ‘di dapat sa kasalukuyang panahon ang liga higit malapit na ang pasahan ng huling yugto ng CY 2024, hintayin ang bakasyon ng bata’t kabataan bago maglaro. Alkalde Ligaya, dumaan ba sa opisina ng alkalde ang permiso ng ligang nagaganap at pinayagan? Paano na ang pag-aaral ng mga kabataan.

Tumakbo ang panahon at nagpakitang gilas ang Kapitan ng KNL ng maglabas ng MeMo na pagrerehistro ng lahat ng uri ng negosyo na pinatutupad sa barangay. Maganda ang layon ngunit ‘di malinaw kung para saan ang bangit na kautusan. O’ sadyang pagtitiyak ng malaman ang katayuan ng kabuhayan sa barangay. Tunay na’di batid ang layon ng pagrerehistro ng negosyo subalit marami ang ‘di sumangayon dahil sa isyu ng profiling sa barangay. At ang pinaka madaling pagbabasa kung paano palalakarin ang takbo ng pulitika sa barangay. Sa totoo lang, maraming bigayan ng ayuda sa barangay na madalas maganap sa pasilidad ng barangay na bentahe sa kakampi ng alkalde. Habang si Kapitan walang paghindi sa sino mang opisyal ng lungsod na ibig gamitin ang pasilidad ng barangay. At sa totoo pa rin, maraming itinakdang gawain ang pamahalaan ng lungsod ang ginaganap sa pasilidad ng barangay. Tanong may bayad ba ang paggamit ng pasilidad o kawang gawa lamang ni Kapitana este Kapitan. Pumapasok ba sa kaban ng Barangay, ang bayad kung meron o baka sa bulsa ng kung sino, pakisilip DILG.



Mabilis ang takbo ng kaganapan sa KNL subalit ‘di nagbabago ang galaw ng kasalukuyang liderato na nakasanayang na laging may politiko sa bawat gawain. Walang pagkilos ang barangay na walang ayuda galing sa amo ng pamahalaang lungsod. Wala man ang presensya ng mga lider ng lunsod subalit ang mga tauhan ang makikitang gumagalaw na makikita sa araw araw. O’ sadyang sa KNL ang destinasyon ng mga taga City Hall ng mabantayan ang takbo ng pamahalaang pambarangay. Sa maraming pagkakataon, iba’t ibang grupo ang makikita na nag-iikot sa pamayanan nagtatanong ng kahit ano. At tunay na nakakasuka, gamit ang pasilidad ng lungsod,maging ang salapi na ipinangangalandakan ang ibinibigay na ayuda sa mga residente. Ang kagandahan nariyan si Kapitana este Kapitan na itinatangi ang galaw ng mga tauhan ng alkalde pababa mga konsehal at mga kakamping talo sa nakaraang halalan na balak ilaban sa susunod na halalan.

Bago pa man pumasok ang buwan ng Mayo, naghanda ang liderato ng barangay sa nalalapit na kapistahan, nagsabit ng banderitas, palamuti at mga pagbati mula sa lider ng lunsod. Sa paghahanda sa kapistahan nalaman na magkakaroon ng mga gawain na ikinagagalak kuno ng nakararami. At sa pagtakbo ng araw nabatid na sabong o pasabong ang magaganap sa pasilidad na pinagganapan ng malalaking gawain ng barangay. Ang Baluyot Covered Basketball Court na silip sa magkabilang panig ng Barangay UP Campus at Barangay UP Teachers Village.



Ang nasabing pasilidad ay karaniwang makikita na binabaybay patungo sa mga pamantasan sa lugar ng Katipunan, ng UP Diliman Campus at iba pang pribadong paaralan sa lunsod. Maraming opisina ng pamahalaan ang nakahimpil malapit sa BCBC. At nasilip ng madla maling hakbang ng pamahalaang pambarangay sa pagpapasabong sa lugar bilang bahagi ng kasiyahan sa pista ng barangay. Sa totoo lang, nakakadismaya ang paglalagay ng larong may pustahan ng pera na silip ng mag-aaral ng malapit na pamantasan na karaniwang naninirahan sa lugar bilang mga boarders ng bahayan sa barangay.

Sa pagdaraos ng sabong o pasabong umabot sa tatlong araw ang palaro habang dumadaan ang mga mag-aaral ng pamantasan na nagtutungo sa magkabilang barangay ng TV. Walang pagpuna sa mga mananabong ngunit ang pagsang-ayon ng isang batang lider ang ‘di tangap lalo’t galing ito sa isang magandang pamantasan mula sa Pasig. Ang paglalagay ng gawain pambarangay na “chance game” ang isang maling halimbawa ang ipinakita higit batang lider na binigyan basbas ng kapwa kabataan. Sala ang ehemplong idinaos higit sa kaisipan ng kabataan na tama ang sugal upang makakalap ng kaperahan ang pamahalaan. Ang masakit nasilip na nag-aagawan ang ilang opisyal sa paglalagay ng sariling interes higit sa pagtitinda ng kalakal sa lugar na may sabong. At nariyan ang Kapitan ng Barangay na galit kuno sa kawalan ng kaayusan sa loob ng pasilidad na pinaglagakan ng pasabong.



Tanong sa idinaos na pasabong sa Barangay Krus na Ligas sa loob ng tatlong araw, mayroon bang permiso ng pamahalaan Lungsod ng Quezon at bakit pinayagan. Pangalawa, may permiso ba ang Game and Amusement Board sa pagdaraos na pasabong. At tila pinangangalandakan ang lakas ng lider ng barangay sa pamahalaan ng Lungsod Quezon higit sa alkalde na nakuha pang bumaba sa Barangay sa araw ng pista. Sa Kalihim ng DILG na si Kalihim Abalos, pakisilip ang pangungunsinti ni Mayor Ligaya’y sa Kapitan ng KNL tamang pagsabihan ang alkalde hinggil sa maling kilos ng ‘di na maulit ang maling pasya sa susunod na panahon. Sa kalihim pa rin ng DILG, pakisipa ang Kapitan ng Krus na Ligas sa kawalan ng moral na liderato upang maging halimbawa at pangunahan ang barangay.

Ang tamang aksyon ang inaasahan Kalihim Abalos ng ‘di maulit ang gawang ‘di tama higit ng batang trapo na dahilan sa pagguho ng moralidad sa barangay. Sa totoo lang, umasa ang batingaw sa pagtakbo ng batang kandidato noong nakaraang halalan pambarangay at ipinaboto, ngunit ‘di nagtagal nakita ang kulay at gawa ng Batang Kapitan, na ito’y isang trapo. Hindi iiwan ang laban hanggang ‘di bumababa ang Batang Trapo ng Barangay Krus na Ligas sa Lungsod Quezon, Kal. Abalos paki-kalos ang Batang Trapo na ito.

Maraming Salamat po!!!!