EJ Obiena 4th place sa Paris Olympics pole vault finals

NANATILING mailap ang medalya para sa pambato ng Pilipinas EJ obiena na nagtapos fourth sa men’s pole vault finals ng 2024 Paris Olympics Martes ng umaga sa Stade de France.

Ang decorated 28-year-old trackster ay bigong makapasok sa podium matapos mabigo na malundag ang 5.95 meter-mark sa tatlong pagsubok.

Sa kabila ng resulta, Obiena ay nagpakita pa rin ng malaking improvment mula sa kanyang 11th place outing sa panahon ng kanyang Tokyo Olympics debut tatlong taon ang nakaraan, senyales nang kanyang pag-angat sa global rankings.

Nalusutan niya ang unang dalawang hieghts na 5.50 at 5.70 meters bago natungkab ang bar pababa sa kanyang first attempt sa 5.80, na parehong hieght na nabigong malundag sa finals sa Tokyo.

Nilaktawan ang kanyang second 5.80m attempt, at kumpiyansang malundag ang 5.85m at 5.90m clearance na naglagay sa kanyan sa magandang posisyon para sa podium finish.

Gayunpaman, nahirapan siya na maklaro ang 5,95 meters sa tatlong pagsubok para mapatalsik sa paligsahan.