PH National Squash Championships nakatakda sa Sept. 12-15

ANG Philippine Squash Academy ay magsasagawa ng National Championship simula sa Setyembre 12 hanggang 15 sa National Squash Center sa loob ng Rizal Memorial Sports Complex.

Sa tournament, itatampok ang elite men at women, Division 1 at Division 2 events, ay bukas sa lahat at magsilbing selection para sa national team.

Base sa nakaraang national rankings,Reymark Begornia ang No.1 sa men’s division sinundan ni David Pelino, Christopher Buraga, Jonathan Reyes, Aero Dalida, Meljohn Arebado, at Carl Carillo.

Jemyca Aribado ang nangibabaw sa women’s division kasunod sina Aysah Dalida, Lizette Reyes, at Aerra Relano.

Nakapila rin ang Philippine Satelite 1 (Oct. 22-25) at ang Philippine Challenger Classic (Oct. 28-31) na bukas rin sa lahat ng foreign players.

Bilang host, ang Pilipinas ay magbibigay ng wild cards sa lokal players, para makakuha ng puntos at ma-improb ang kanilang rankings para sumabak sa abroad.