Digong ‘di sisipot sa imbitasyon ng quad committee – Panelo

INANUNSYO ni dating Presidential Spokesperson Atty. Salvador Panelo na nagpulong sila noong Biyernes ni dating Pangulong Rodrigo Duterte.

Gayunpaman, sinabi ni Panelo na ang tanging napag-usapan nila ng dating pangulo ay ang imbitasyon ng quad committee kaugnay sa isyu ng war on drugs.

Dagdag pa ni Panelo, sinabi ni PRRD na pawang hearsay lang ang mga ipinahayag sa quad committee.

Hindi rin naman umano napag-usapan ang kaso ng Kingdom of Jesus Christ (KOJC) dahil naglabas naman na ng statement si PRRD kaugnay dito.

Tinawag naman ni Panelo na unconstitutional at assault ang ginawang paglusob ng sangkaterbang pulis sa KOJC compound.