Delivery rider namatay sa sarap sa loob ng motel

Naninigas na ang isang delivery rider nang mapansin ng kanyang kasamang babae na wala na palang buhay ito nang mag-check-in at makatulog sa isang motel sa Sta. Mesa, Manila.

Kinilala lang ang biktima sa alyas “Ben”, 37, residente ng Krus na Ligas, Quezon City.

Batay sa ulat ng Manila Police District (MPD)-Homicide Section, 4:30 ng madaling araw nang madiskubreng bangkay na ang biktima sa loob ng isang motel sa Sta. Mesa.

Nauna rito, 10:00 ng gabi ng Linggo nang mag-check-in sa motel ang biktima, kasama si alyas “Karen” at natulog doon.

Laking gulat na lang umano ni Karen nang magising at mapansing patay at matigas na ang katawan ng katabing biktima.

Kaagad namang hu­mingi ng tulong si Karen sa mga tauhan ng motel, na siya namang nag-report ng insidente sa pulisya.

Nabatid na walang saplot ang biktima nang abutan ng mga pulis.(Jocelyn Domenden)