Residential area sa Sampaloc, Maynila nasunog

Sumiklab ang sunog sa isang residential area sa Sampaloc, Maynila nitong Linggo, Hunyo 15.

Ayon sa Bureau of Fire Protection (BFP), nagsimula ang sunog bago mag-alas-4:00 ng madaling-araw sa isang bahay sa Basilio Street.

Agad kumalat ang apoy kaya itinaas ito sa ikalawang alarma 4:39 ng madaling-araw at idineklarang fire under control 5:00 ng madaling-araw.

Patuloy naman ang isinasagawang imbestigasyon ng BFP upang matukoy ang pinagmulan ng sunog.

Wala namang naiulat na nasugatan o nasawi sa insidente.(Jocelyn Domenden)