SENADORA CAMILLE VILLAR, ISINULONG ANG “MENTAL HEALTH ACT” AT IBA PANG MAKA-MASANG BATAS SA PAGPASOK NG IKA-20 KONGRESO

INIHAIN ng opisina ni Senadora Camille Villar ang ilan pang mga prayoridad na panukalang batas sa ikalawang linggo ng pagbubukas ng ika-20 kongreso.

Bilang isang millennial na Senadora, prayoridad sa mga panukalang ito ang “Mental Health Act” na mula pa pagka-kongresista ay isinusulong na ni Villar para maitaguyod ang maayos, komprehensibo, at malinaw na national mental health care system na tutugon sa “psychiatric, neurologic, and psychosocial”  na mga pangangailangan ng mga Filipino.

Sa panukalang batas, nilalayon din ni Villar na mabigyan ng bayad na “mental health wellness leave” ang mga manggagawa sa pribado at pampublikong sektor para tuluyang makatulong sa pagpapabuti ng mental health wellness ng mga empleyado.

Kasabay din nito, naghain din ng panukala na “An Act Expanding Philhealth Coverage to Include Benefit Package to All Mental Health Disorders and other Purposes”  na naglalayong maisama sa benepisyo ng Philhealth ang mga pagsusuring may kinalaman sa pagpapabuti ng mental health.

Higit pa rito, isinama rin sa mga prayoridad ni Villar ang batas na nag-mamandando ng insurance coverage at hazard pay para sa mga journalists at iba pang kawani ng media na napapadala sa field assignment at maging sa mga freelance practitioners.

Ilan pa sa mga napasang panukala nitong Lunes ang mga sumusunod:  “An Act Providing For Flexible Work Arrangements for Pregnant Woman, and Postnatal Mothers; An Act Establishing Basic Life Skills Course In The High School Curriculum;  An Act Establishing The “Ebooks for the Barangay Program; An Act Granting 13th Month Pay To Contractual and Job Order Personnel of the Government;  An Act Mandating The Provision of Maternity Packages to Pregnant Filipino Women Belonging to the Low-Income Group; An Act Mandating Accessibility and Inclusivity In All Tourism Sites for Persons with Disability, and Senior Citizens; An Act Providing Fresh Graduates Of Philippine Tertiary Education, Universities, Colleges and Training Institutions Of A One-Time   Cash Grant.”

Noong nakaraang Linggo ay nagpasa rin ang kampo ni Villar ng mga panukalang batas na layuning maproteksyunan ang mga kababaihan at mga kabataan. (Mylene Alfonso)