3 miembro ng Criminal group, timbog sa Bulacan

Makalipas ang 12 oras at 15 minutos, arestado na sa isinagawang hot pursuit operation ng PNP ang tatlong katao na sangkot sa robbery at attempted homicide na naganap sa Bgy. Liciada, Bustos, nito Sabado ng madaling araw ng Nobyembre 29.

Ayon kay Bulacan Provincial Director PCol.Angel Garcillano, 3:15 ng hapon nitong Sabado Nobyembre 29 nang madakip ang 3 sa bahagi ng Alley 8 Karisma Ville Brgy, Panghulo Malabon City kabilang dito ang isang 39-anyos at 30-anyos, na kapwa tattoo artist, at 44-anyos na pedecab driver ng Brgy. Malamig/Brgy. Paltok, Angat, Bulacan,

Nakumpiska mula sa mga suspek matataas na kalibre ng baril, hand grenade mga bala at bulletproof vest na may marka ng “NBI,” at 7 na assorted cellular phones.

Samantala, detenido ang mga suspek sa Bustos Municipal Jail, habang inihahanda ang patong-patong na kaso.(Thony D. Arcenal)