252 ‘GHOST PROJECTS’ NATUKLASAN SA 10K ININSPEKSYONG PROYEKTO – AFP

UMABOT sa 252 ang natukoy na ghost projects ng Armed Forces of the Philippines (AFP) mula sa 10,000 infrastructure projects na kanilang iniinspeksyon sa buong bansa.

Ayon kay AFP Spokesperson, Colonel Francel Margareth Padilla, nitong Martes, may kabuuang 30,000 proyekto ang nakatakdang inspeksyonin ng AFP kasama ang Philippine National Police (PNP).

“There were 30,000 projects that were deemed for the AFP and the PNP collectively to inspect. From these 30,000 projects, 10,000 na po ‘yung ating na-inspect from the side of the AFP,” ani Padilla.

“It turned out that the total of around 252 of these na mga naiikot na po namin are ghost projects from 2016 to present,” dagdag niya.

Sinabi ni Padilla na isusumite ng AFP at PNP ang kumpletong ulat sa Independent Commission for Infrastructure (ICI), ang nag-iimbestiga sa mga anomalya sa infrastructure projects ng pamahalaan sa nakalipas na 10 taon. Magpapatuloy din aniya ang kanilang inspeksyon sa mga natitirang proyekto.