TANGKANG PAGPUSLIT SA NAIA 3 NG P40.8-M HALAGA NG SHABU, TIMBOG SA BOC-NAIA
Advertisers
Mahigit sa anim na kilo ng shabu na may halagang higit sa P40 million ang kinumpiska ng Bureau of Customs – Ninoy Aquino International Airport (BOC-NAIA) mula sa bagong dating na pasahero sa NAIA Terminal 3.
Ayon kay BOC-NAIA District Collector Atty.Yasmin Mapa, ang operation na isinagawa noong January 26, 2026 ay alinsunod sa direktiba ni President Ferdinand R. Marcos, Jr. na palakasin ang border protection at paigtingin ang anti-drug campaign ng gobyerno. Kasama sa operasyon ang Philippine Drug Enforcement Agency (PDEA) at NAIA Inter-Agency Drug Interdiction Task Group (NAIA-IADITG).
Napag-alaman kay Mapa na ang pasahero ay isinailalim sa inspeksyon dahil sa derogatory information na natanggap ng awtoridad. Agad na isinailalim ang kanyang mga gamit sa x-ray examination at matapos ang mano-manong examination ay nadiskubre ang 6,006 grams ng methamphetamine hydrochloride (shabu) na nakatago sa bagahe at may halagang P40,840,800.
Inihayag ni Mapa na ang mga nakumpiskang droga at pasahero ay pawang itinurnover sa PDEA para sa inquest proceedings dahil sa paglabag sa Republic Act No. 9165 (Comprehensive Dangerous Drugs Act of 2002, as amended) at Republic Act No. 10863 (Customs Modernization and Tariff Act).
Binigyang-diin naman ni BOC Commissioner Ariel F. Nepomucenoang kahalagahan ng ‘coordinated border enforcement’ at aniya, “this successful interception highlights the effectiveness of intelligence sharing and joint operations in stopping illegal drugs at our ports of entry. The Bureau remains firm in protecting our borders and communities.”
Sa kanyang banda ay sinabi ni Mapa na: “Our frontliners and partner agencies remain dedicated in ensuring that our airports are not exploited by drug traffickers. BOC-NAIA will continue to strengthen its enforcement measures and inter-agency coordination.”
Tiniyak niya na “BOC-NAIA commits to continuously enforce customs and anti-drug laws in support of the national government’s campaign to safeguard public safety and national security.” (JERRY S. TAN/JOJO SADIWA)