Sexbomb Mia at Sunshine may pasaring sa prodyuser na ‘di tinuloy ang kanilang concert

Ni Anne Venancio

Pinaghirapan ng SexBomb Girls ang tagumpay ng kanilang December 4 at 9 reunion concert at muling magpapasabog sa Feb. 6, 7, at 8 sa SM Mall of Asia Arena.

Sa ‘Your Honor’ media session, ibinahagi nina Mia Pangyarihan at Sunshine Garcia ang hirap na naranasan nila sa produksyon kasama sina Rochelle Pangilinan, Jopay Paguia, at Aifah Medina. Aminado si Mia na bilang first-timer, natakot silang baka wala nang manood dahil matagal na silang nawala sa showbiz. Nahirapan din silang makahanap ng sponsors kaya nag-ambagan na lang sila. Inamin ni Mia na ginhost din sila ng ilang producer: “Hanggang ba naman sa pagpo-produce na-ghosting kami?” Sagot ni Sunshine, “Pati ba naman doon?”

Giit ni Mia, “It’s your loss. Hello, RaWnd Five!” na dinugtungan pa ni Sunshine, “Kami nga pala ‘yung pinakawalan n’yo.”