TAIWANESE FUGITIVE ARESTADO NG BI-FSU SA PASAY

Isang Taiwanese fugitive ang inaresto ng Bureau of Immigration (BI) sa isang enforcement operation sa Pasay City.

Ayon kay BI-Fugitive Search Unit (FSU) chief Rendel Ryan Sy, nadakip sa operationng FSU, sa pakikipag-ugnayan sa National Bureau of Investigation–Organized and Transnational Crime Division (NBI-OTCD), si Chien Wen-Chieh, 33, sa Roxas Boulevard, Pasay City gabi ng January 28, batay sa mission order na bunga ng komunikasyon sa Taiwanese authorities.

Sinabi ni Sy na sa records, si Chien ay subject ng arrest warrant na inisyu noong August 31, 2023 ng Taiwan Miaoli District Prosecutor’s Office dahil sa kasong theft.

Napag-alaman kay BI spokesperson Dana Sandoval na sa BI database verification, si Chien ay huling pumasok ng bansa noong 2023 bilang temporary visitor ngunit nabigong mag-extend o convert ng visa, dahilan upang siya ay maging ‘overstaying and undesirable alien’.

“His continued presence posed a risk to public safety and security,” ani Sandoval.

Si Chien ay dinala sa Bureau of Immigration Warden Facility habang nahaharap sa deportation proceedings. (JERRY S. TAN)