Rolls Royce ng mga Discaya nabili ng Igorot Stone Kingdom

Nakuha ng Igorot Stone Kingdom Inc. bilang winning bidder ng Rolls-Royce Cullinan black sa isinagawang bidding ng Bureau of Customs ngayong araw, Pebrero 11, 2026, mula sa mga nakumpiskang luxury car mula sa mga contractor na sina Curlee at Sarah Discaya sa maanomalyang flood control projects.
Na-bid ng Igorot Stone Kingdom Inc ang luxury car ng fully paid na may floor price mula sa dating mahigit P45 milyon na ibinaba na sa halagang P29,025,132.58 at may cash bond na P1,451,257.00
Ito na ang ikatlong bidding na ikinasa ng BOC sa mga nakumpiskang mga luxury vehicles. Ang ikalawang susunod na bidding ay itinakda sa Pebrero 25, 2026.(Jocelyn Domenden)