METROBASE 136 NG MMDA, TUTUGON NG 5 MINUTES RESPONSE SA KALSADA

TINIYAK ng Metropolitan Manila Development Authority (MMDA) noong Miyerkules ang agarang pagtugon sa publiko sa kanilang mga emergency sa kalsada sa pamamagitan ng limang minutong response hotline nito.

Sa isang pahayag, itinampok ni MMDA General Manager Nicolas Torre III ang muling pag-activate at pag-reformat ng Metrobase 136, na tutugon sa mga krisis sa mga pangunahing kalsadang sakop ng ahensya.

Ang mga motoristang nangangailangan ng agarang tulong ay maaaring tumawag sa (02) 136, at ang mga rumesponde ay darating sa kanilang lokasyon sa loob ng limang minuto, aniya.

Sinabi ni Torre na sa loob ng limang minuto, ang kanilang mga constable o traffic enforcer ay darating saanman sila nangangailangan ng tulong sa kalsada.

Dagdag pa niya na layunin ng MMDA na linisin ang kalsada sa loob ng 10 minuto pagkatapos makatanggap ng tawag. Maaari ring humingi ng kopya ng closed-circuit television footage mula sa MMDA ang mga kinauukulang partido upang maayos ang mga hindi pagkakaunawaan na nagmumula sa mga insidente sa kalsada. (JOJO SADIWA)