PDEA, BOC sanib-puwersa vs smuggling ng droga

Nagsanib-puwersa ang Philippine Drug Enforcement Agency (PDEA) at Bureau of Customs (BOC) para palakasin ang kanilang kooperasyon laban sa smuggling ng ilegal na droga.
Pumirma ang PDEA at BOC ng isang memorandum of agreement nitong Huwebes, Pebrero 26, para sa papagpapaigting ng kanilang operational coordination.
“A central feature of the partnership is the establishment of a Drug Interdiction Task Group, designed to foster closer collaboration between PDEA and BOC,” ayon sa PDEA.
Sa pamamagitan ito ng paggamit ng advanced intelligence-sharing, integrated systems, at joint operations laban sa smuggling, importasyon, transportasyon, at transshipment ng dangerous drugs, controlled precursors, at essential chemicals.
Pinangunahan nina PDEA Director General Undersecretary Isagani Nerez at BOC Commissioner Ariel Nepomuceno ang signing ceremony sa PDEA National Headquarters sa Quezon City. (Almar Danguilan)