Kaye Estrada priority ang singing career, nakatutok sa promo ng debut single na “Inlab”

Ni NONIE V. NICASIO

ANG singing career ni Kaye Estrada ang kanyang priority ngayon. Siya ay isang singer, actress, at host na nakikilala na sa mundo ng entertainment.

Nakatutok ngayon si Kaye sa promo ng debut single niyang “Inlab.”

Aniya, ”Excited akong ma-share ito sa mas maraming listeners through guestings, performances, and social media. Itong “Inlab” is my first official single release, kaya very special siya sa akin.

“Gusto kong mas makilala ako sa music at maabot ang mas maraming listeners. Pero tuloy-tuloy pa rin ako sa hosting at acting dahil importante rin sa akin na ma-develop ko pa lalo ang sarili ko bilang all-around performer,” nakangiting sambit pa ni Kaye.

Nabanggit din niyang matagal na siyang nagsusulat ng mga kanta.

“Yes, ako po ang nagsulat ng Inlab. Nagsimula akong mag-compose during the pandemic, doon ko mas na-discover yung passion ko sa songwriting,” pahayag ni Kaye.

Bakit Inlab ang title nito? “Pinili ko yung title na “Inlab,” kasi that time, gumagawa kami ng isang YouTube series na romcom. Na-inspire ako sa story, lalo na roon sa part na na-in love yung girl, kaya roon ko nakuha yung idea at feeling na gusto kong ilagay sa song.

“Ang Inlab ay isang chill, good-vibes, at catchy na song. Perfect siya sa Gen Z listeners, pero may nostalgic feel din na makaka-relate kahit yung mga ’90s, dahil parang naaalala nila ulit yung feeling nang ma-in love. May vibe rin siya na inspired by Barbie Almalbis, na light, heartfelt, at easy listening,” esplika ni Kaye.

Multi-talented si Kaye, dahil bukod sa pagiging singer at host, isa rin siyang aktres. Kabilang sa mga naging acting project niya ang “Mano Po, Legacy series,” “Lovers & Liars” ng GMA Network, at sa pelikulang “My Future You.”

Nagpasalamat din si Kaye kay Ms. Angela Villanueva sa isinuot niyang magarang gown sa isang event.

“Elegance with purpose, yesterday, I had the honor of wearing this gown at the Miss Universe Philippines 2026 Charity Gala Night—an ensemble inspired by the rich heritage of Mindanao, crafted from T’nalak, a sacred handwoven fabric by the T’boli people. More than just a design, it carries stories, tradition, and the soul of Filipino artistry. Every thread reflects our culture, identity, and the beauty of preserving what is truly ours.

“My heartfelt gratitude to Ms. Angela Villanueva of Mrs. Universe Philippines 2025 for sponsoring this stunning gown and for her continuous support. And to Moda Mindanaw brand, thank you for celebrating and elevating local craftsmanship. Let’s continue to support and uplift our own.”