MAHIYA KAYO SA BAYAN

Namalas ng bayan ang epekto ng kawalang saysay na ginagawa ng mga senador na nagbabangayan dahil sa pwestong ibig. Ang larong kampihan sa pagsungkit ng liderato sa banggit na kapulungan ang galaw na nakakasuka ngunit ‘di nagawa na mag-usap hinggil sa kagalingan ng bayan. Ang masaklap, nang nakamit ng grupo ng senador na nakakarami ang liderato, gusot ang napasukan. Hindi natapos ang usapin sa paghahalal sa liderato dahil sa tele-serye ng putukan, sigawan, galit – galitan at takasan. Di nakapagbuo ng mga komite na didinig sa mga usapin bayan na magpapagaan sa pasanin ng bayan.

Sa totoo lang, walang mga komite na didinig sa usaping bayan sa halip lumabas na mandamyento de aresto kay Tobats na sinagka ni Kawatano. Hayun, nailayo ang usapin sa anomalyang kinasasangkutan ng mga senador, “flood control”. Sa totoo lang, nagbabangayan ang mga senador sa kung sino ang mamuno sa asul na laso na uusisa sa anomalyang banggit. Ang masakit, tila manganganak ang asul na laso dahil ibig bumuo ni Kaldero ng sub-committee na ibig pamunuan ng mahusay na abogadong alang pinanalong argumento kay Ping Lacson, hehehe.

Hindi lumaon ang usaping kinasasangkutan ng ilang senador na nakakarami, muling napaloob kapulungan ni Kaldero sa mga anomalyang umabot sa Ombudsman hanggang sa Sandiganbayan. Naglabas ng bagong mandamyento de aresto ang Sandiganbayan sa senador na si Sexy sa usaping karaniwang hinaharap, ang pandarambong. Sa kasanayan sa kaayusan sa usaping pagkakakulong, kusang sumuko si Sexy sa mga pulis na nagmamalaki na ‘di bibitaw sa grupo ng kasalukuyang liderato ni Kaldero. Madamdamin ang mga pahayag ni Sexy maging ang pagsalag ni Kaldero na ‘di dapat gawin ang pag-aresto sa kapulungang pinamumunuan sa ngalan ng paggalang, na ‘di sinang-ayunan ng kalihim ng DILG dahil sa unang naganap, nakatakas si Tobats.

Salamat sa media at social media at ‘di naitago ang kaguluhang sa bugok kapulungan. Silip na ‘di ang taong bayan ang pangunahing pinagsisilbihan ng mga senador, sa halip ang interes at ang sarili. Malinaw na ang sariling interes ang bitbit sa serbisyo higit sa laki ng pondo na tinutustos ng bayan upang patakbuhin ang tanggapan. Mula sa mga pasahod sa sarili, sa mga kawani at mga gastusin sa pagmementina, lahat ng banggit ay pasanin ng bayan. Hindi pa pinag-uusapan ang pondo sa mga pagdinig na ginagawa sa mga pinamumunuang komite na dumidinig sa mga panukalang batas. At ‘di babangitin ang mga pakiusap na panukalang batas na inilalapit upang makopo ang ibig na proyektong ng ilang negosyante. Habang si Mang Juan, nganga sa kahihintay ng biyayang ‘di bumababa, asa ka pa.

Ang kaayusan sa senado na nag-oonsehan, ‘di napuputol ang paggamit sa salaping bayan ngunit ‘di nagagawa ang mga batas na kailangang gawin. Sa pagkakawala ng dalawang senador na bahagi ng trese hudas, higit na ‘di makagalaw ang bawat panig sa pag-aayos ng mga bagay bagay sa kapulungan na higit na naduduhagi ang bayan. Walang panukalang batas ang nagagawa, ang didinggin dahil sa kawalan ng mga komite na didinig. Matikas ang tindig ng magkabilang grupo at ‘di bibigay kahit para sa kagalingan ng bayan ang panukalang batas kung ‘di pangungunahan ang komiteng didinig. At malinaw na palatandaan na mga senador o sila’y para sa sarili at ‘di sa bayan. Patuloy ang pagpasok sa kapulungan o sa tanggapan subalit walang nagagawa kung hindi ang tumu-nganga, ang malas ng bayan sa uri ng mga nahalal.

Sa likod ng kaganapan, umaasa na may magbubukas ng isip sa mga senador ng magpatuloy sa gawain higit sa paparating na usapin ng pagpapasipa sa abalang pangulo. Umaasa na iisantabi ang pansariling layon, gawin ang mga batas, pag-uusisa sa mga anomalya at ang pagpapasipa sa abalang pangulo. Sa rurok ng pakiusap, alisin sa liderato ang naghahati sa kapulungan at ilagay ang magbabangon sa ligwak na kapulungan.

Sa kaayusan kinasasadlakan, malinaw na ‘di makakakilos ang kapulungan ng mga bugok sa bilang na onsehan, muli, ang bayan ang gapi sa kaayusan na ‘di alintana ng mga naghuhusay -husayan. Samantala, patuloy na ‘di umaayos ang kabuhayan ng bayan sa halip patuloy na tumatangis sa ‘di makayanang taas presyo ng bilihin. Ang kawalang galaw sa bugok na kapulungan, nasisilip na galawan ng kabilang kabahayan ng ‘di mapondo ang mga batas na may gamit sa bayan. Ang kilos o galawang nasisilip ang magbibigay kaluwagan ng paghinga sa bayan na hikahos sa hirap. Maaring pansamantala ang kahilingan habang tulala ang mga hunghang na senador. Ang lideratong kumikilos ang dapat pagalawin ng ‘di ganap na pag-antabay ang gagawain.

Sadyang walang puwang sa mga senador ang bayan na dahilan sa pananatili sa pedestal ng kapangyarihan. Walang galawang pagtutuwid sa maling kilos at huli ang bayan sa isip at gawa. Kailan gagalaw sa kagalingan ng bayan na nalimot sa mahabang panahon? Sa ilang pagkakataon, silip ang pagkakamali ng ating mga bayani na isinalin ang liderato ng pamahalaan sa mga mapag-imbot na kababayan. Sa kawalan ng malasakit sa hanay ng masa o sa tao sa laylayan ang mga politiko, pambansa o lokal ang ganap na salang pasya sa nakaraan. Hindi nakawala sa kahirapan ang bayan gayung silip ang pagyabong sa kabuhayan tulad ni Kalderong maging ang paglaro’y pinagkaperahan.

Ang pagkutya sa mga politiko’y ganap sa lahat ng kaayusan sa buhay, ang kaibahan sa bawat antas, ang isusubo ng ibsan ang kagutuman. Malawak ang pagkadismaya ng bayan sa mga politiko higit sa mga senador na ‘di masilip ang kahalagahan ng kilos na magpapalaya sa kahirapan ng bayan. Silip ng bayan ang kawalang malasakit sa tao ng mga senador na ‘di maialis ang sarili sa masarap ng buhay na kasangkapan ang pwestong tangan. Ang magbago sa kilos tungo sa maayos na paglilingkod ay ala sa bokabularyo ng politiko higit sa mga senador na nakulong, makukulong dahil sa pandarambong. Ang masakit, ibig na tawagin na kagalanggalang sa likod ng pandarambong sa salaping bayan.

Sa mga senador, magtrabaho bago mapikon ang bayan sa gawang pansarili. Mahiya kayo sa bayan na lunod na sa kahirapan at gigil sa kilos na walang malasakit. Mahiya kayo sa mga natatanggap na kaperahan na dulot ng nagdarahop na bayan. Mahiya kayo, ipakita sa bayan na magagawa ang ibig na pagkakaisa at pagkakasundo at gampanan ang naka-atas na gawain na bigay ng bayan. Kumilos para sa kagalingan ng bayan ng ‘di mapulaan ng kaganidan.

Maraming salamat po!!!!