CANADIAN FUGITIVE NA WANTED SA CHILD SEX ABUSE DINAKIP NG BI-FSU
Advertisers
Dinakip ng Bureau of Immigration (BI) ang isang Canadian national na ‘wanted’ sa kanyang bansa sa mga kasong ukol sa child sexual abuse material.
Si Rudolf Hannes Hofer, 77, ay inaresto ng BI-Fugitive Search Unit (FSU) sa San Carlos City, Pangasinan sa pangunguna ng hepe nitong si Rendel Ryan Sy, sa pakikipag-ugnayan sa government intelligence forces at San Carlos City Police Station, batay sa information mula sa Canadian authorities.
“According to records, Hofer is the subject of two active warrants issued in British Columbia, Canada for possession of child sexual abuse material and breach of undertaking. Investigations further revealed that he had overstayed in the Philippines after failing to extend his authorized stay,” saad ni Sy sa kanyang ulat.
Ang Canadian national ay naka-detine ngayon sa Warden Facility ng BI sa Camp Bagong Diwa, Taguig City habang nahaharap sa deportation proceedings. (JERRY S. TAN)