Eala pinatalsik si Fernandez para makapasok sa Mubadala DC Open quarters

Last updated Jul 30, 2026

Advertisers

PINATALSIK ng Filipino tennis star na si Alexandra Eala ang defending champion at No. 7 seed na si Leylah Fernandez, 6-1, 7-6 (2), Biyernes para makapasok sa WTA 500 Mubadala Open sa Washington, USA.

Ang panalo ay paghihiganti ni Eala sa kanyang 1-6, 4-6 na pagkatalo laban sa Canadian sa first round ng Porsche Tennis Grand Prix sa clay sa Stuttgart, Germany noong Abril 14.

“I know that she was playing a little better, and maybe my level dropped a little bit,” wika ng 21-year-old Eala sa kanyang second-set comeback sa post-match interview.

“Those are very tricky moments, when you know your level has dropped and you want to do better, but things for one reason or another just aren’t coming out. I think patience was key there, just trying to work it out, and a strong mentality in terms of trying to find solutions,” dagdag ni Eala, na tinapon rin si Iga Swiatek sa Wimbledon third round sa nakaraang apat na Linggo.

Susunod na haharapin ni Eala ang mananalo sa pagitan ng Ukrainian second seed na si Elina Svitolina at Uzbek qualifier na si Polina Kudermetova.

Nagkaroon si Svitolina ng first-round bye habang tinalo ni Kudermetova si Spanish Cristina Busca sa resulta na 5-7, 7-6 (4), 6-0.

Samantala, ang 2022 champion na si Liudmila Samsonova ay nakapasok sa quarterfinals matapos talunin si Wang Xinyu ng 6-2, 6-2.

Ang tournament ay may kabuuang premyong halaga na USD1,637,982.