DPWH Camarines Sur 1st District Engineer sibak

SINIBAK ni Department of Public Works and Highways (DPWH) Secretary Vince Dizon ang district engineer ng DPWH Camarines Sur 1st District Engineering Office.
Ito ay kasunod ng road crash sa Barangay Magais, Del Gallego, Camarines Sur dahil sa kakulangan ng sapat na road safety warning signs at traffic safety devices sa ginagawang bahagi ng kalsada.
Sa memorandum na may petsang Agosto 5, sinibak si Engr. Ramon Anselmo Calagos bilang district engineer ng nasabing distrito.
Ayon kay Dizon sa panayam sa media, pinalitan na ang district engineer epektibo noong Miyerkoles. Pananagutin din aniya ang contractor ng proyekto.
“We need to make our people accountable. We already ordered all districts and regions nationwide na kailangan maging very very strict tayo sa standards ng safety,” ani Dizon.
“We will hold the kontratista accountable kasi responsibi-lidad nung kontratista ‘yon na maglagay ng tamang safety signs and meron na tayong standard na strikto. At kung ‘yan hindi susundin, buhay ang kapalit niyan in some cases,” dagdag pa niya.