VP Sara, kinasuhan ng perjury ang nagpakilalang bagman nitong si Ramil Madriaga

Personal na nagtungo sa Office of the Taguig City Prosecutor si Vice President Sara Duterte para maghain at panumpaan ang ikalawang reklamong perjury laban kay Ramil Madriaga.

Si Madriaga ay self confessed former aide at umaming bagman ni Vice President Sara Duterte.

Ang inihaing reklamo sa Office of the City Prosecutor ng Taguig para sa kasong perjury na nasa ilalim ng Article 183 ng Revised Penal Code laban kay Madriaga ay may kaugnayan sa Supplemental Affidavit na may petsang April 11, 2026.

Ang reklamo ay kinabibilangan ng 1,000 pahina na may kaugnayan sa mga malisyoso at maling statement ni Madriaga mula sa kanyang affidavit noong Nobyembre 29, 2025.

Kasama pa rito ang 12 corroborating witnesses, government at iba pang official documents at certifications maging ng mga mensahe, larawan at mga public record.

Una rito, sinabi ni Madriaga na nagsilbi itong intelligence and security officer na tumulong sa “Inday Sara Duterte is my President” (ISIP) group noong 2020 na sinasabing nag-deliver ng pera sa mga personalidad sa utos umano ni dating President Rodrigo Duterte at Vice President Sara Duterte.

Paliwanag ni Madriaga, nakakuha sila ng certification mula sa presidential security command, Armed Forces of the Philippines Security and Protection Group, Department of Education, Davao City local government unit (LGU) na nagpapatunay na hindi nila naging empleyado si Madriaga.

Samantala wala umanong malaking impact sa Defense Team ni Vice President Sara Duterte sa impeachment trial ang naging perjury complaint na isinumite nito laban sa dati umano nyang bagman na si Ramil Madriaga.

Nabatid na nagfile ng nasabing pangalawang complaint si VP Sara kahapon sa Taguig City Prosecutor’s Office.

Ayon kay Defense Counsel Atty. Michael Poa, sakali mang ipresenta ng prosekyusyon bilang testigo si Madriaga ay iko-cross examine lang nila ito ng naaayon sa kanilang plano.

***

Anumang reaksyon o suhestiyon itext sa 09397177977/09368625001 o di kaya mag email balyador69@gmail.com