BSKE POSTPONEMENT, IKINALUGOD NG MGA RESIDENTE NG BRGY. SAN ISIDRO, ANTIPOLO CITY

BSKE POSTPONEMENT, IKINALUGOD NG MGA RESIDENTE NG BRGY. SAN ISIDRO, ANTIPOLO CITY

Labis na ikinalugod ng mga residente ng Barangay San Isidro, Antipolo City ang pagpapaliban ng Barangay at Sangguniang Kabataan Elections (BSKE).

Para sa kanila, dagdag na panahon ito para pag-isipan kung sino ang nais nilang suportahan sa susunod na halalan.

Kabilang sa madalas nilang nababanggit ang pangalan ni Ka Rex Cayanong na matagal nang nakikilala sa kanilang lugar.

Hindi naman lingid sa mga residente ang pagiging broadcaster ni Cayanong, lalo na sa mga usaping may kinalaman sa komunidad.

Sa loob ng maraming taon, nakikita rin daw nila ang kanyang ginagawang pagtulong sa mga nangangailangan, lalo na sa mga ordinaryong pamilyang nangangailangan ng tulong.

Ang isang bagay na binibigyang-diin ng ilan ay hindi raw siya namimili ng tinutulungan.

May kaya man o kapos sa buhay, basta may lumalapit at nangangailangan ng tulong, sinisikap ni Ka Rex makapagbigay ng serbisyo sa abot ng kanyang makakaya.

Aba’y para nga sa ilang residente, mahalaga ang ganitong uri ng pakikitungo dahil ang barangay ay nangangailangan ng lider na marunong makinig at talagang lumalapit sa tao.

Noong 2023 BSKE, naging katunggali ni Cayanong si incumbent Barangay Captain Baby Garcia-Salen sa laban para sa pagka-kapitan.

Naging dikit ang naturang laban, kaya hanggang ngayon ay may ilang residente pa ring umaasang muling susubok si Cayanong sa susunod na eleksyon.

Dahil sa pagpapaliban ng BSKE, mayroon pang mas mahabang panahon ang mga residente upang makausap si Ka Rex at malaman kung handa siyang muling tumakbo.

Wala pa namang pinal na pahayag si Cayanong tungkol sa kanyang political plans para sa 2028.

Pero para sa ilang residente, hindi naman kailangang madaliin ang desisyon. Mas mahalaga raw na marinig muna ang kanyang panig at mga plano para sa barangay.

Ang pagiging punong barangay ay hindi lamang tungkol sa paghawak ng posisyon. Ito ay isang tungkuling may direktang epekto sa araw-araw na buhay ng mga residente.

Sa ilalim ng Local Government Code, inaasahang ipatutupad ng punong barangay ang mga batas, ordinansa at mga patakaran na may kinalaman sa barangay.

Bahagi rin ng kanyang mandato ang pagpapanatili ng peace and order at pagtulong upang mapanatili ang kaligtasan at kaayusan sa komunidad.

Mahalaga rin ang papel ng punong barangay sa paghahatid ng basic services, pagtugon sa mga pangangailangan ng mga residente at pakikipag-ugnayan sa city government at iba pang ahensya.

Sa panahon naman ng sakuna o emergency, mahalaga rin ang pamumuno ng barangay sa agarang pagtugon at koordinasyon para sa kaligtasan ng mga mamamayan.

Aba’y masasabi nga na sa huli, ang pagpili ng magiging barangay leader ay nasa kamay pa rin ng mga botante.

Subalit para sa mga residente ng Barangay San Isidro na nakakakilala kay Ka Rex, ang kanyang matagal na serbisyo, pagiging broadcaster at pagtulong sa kapwa ay ilan sa mga dahilan kung bakit nais nilang muli siyang marinig at makita sa kanilang komunidad.

***

Catch Gilbert Perdez on “TODO BALITA” every Saturday from 4:00 AM to 5:00 AM on DWIZ 882 AM and ALIW Channel 23, and on “BRGY. 882” from 7:00 AM to 8:00 AM. Tune in via ALIW Channel 23, DWIZ 882 AM, the DWIZ 882 Facebook page, or DWIZ On-Demand on YouTube. For comments and inquiries, you may contact him by email at gil.playwright@gmail.com.