Ara Altamira, Zion Cruz, at Ralph Miaco, tampok sa Regal Studio Presents

Ni NONIE V. NICASIO

TATAMPUKAN nina Ara Altamira, Zion Cruz, at Ralph Miaco ang Regal Studio Presents sa GMA Network ngayong Sunday, 2pm.

Kuwento sa amin ni Ara, “Abangan po nila this Sunday, ‘yung upcoming po na episode ko sa Regal Studio Presents sa GMA and I’m currently in GMA-7’s Born To Shine.

“Bale, nag-focus ako lately sa pagiging content creator especially travel contents, kaya minsan na lang ako magka-show. So, ngayon na lang po ulit.”

Ano ang role niya rito?

Aniya, “Ako si Lilian, nanay ng isang bata (Zion Cruz) na bigla na lang tumanda (Ralph Miaco, bida). Drama-comedy ito na may inspiring lesson, directed by Christopher Novabos and written by Lawrence Nicodemus.

“Sa Born To Shine naman, I’m Aaliyah, assistant of Sheryl Cruz. Nag-start ako ng taping dito during half of September and major scene ko was yung confrontation with Ms. Vina Morales.”

Si Zion Cruz, iyan yung bata sa Puregold Cine Panalo Film Festival na anak ni Joross Gamboa sa pelikulang “Wantawsan?” Kamusta ka work si Zion?

Tugon ni Ara, “Yes po, siya po iyong nasa Cine Panalo, sobrang cute niya at magaling, magalang… tahimik lang din siya pero kapag umakting na. madadala ka talaga.”

Bakit niya naisipan na mag-focus as content creator?

“Siguro that time, iyon ang maraming opportunity and mas control ko rin ang sarili kong schedule. Plus, nakakapag-travel pa ako which I truly enjoy. I love traveling and sharing travel tips at nacha-challenge rin ako mapasama sa mga top travel content creators, specifically sa Klook.

“Kaya gamitin nyo rin po ang code ko para may discount kayo: ARAALTAMIRAKLOOK, hehehe.”

Inusisa rin namin si Ara kung ano ang plans niya ngayong taon and next year?

Esplika ng aktres, “I think kagaya lang ng palagi kong ginagawa which is go with the flow, be productive, be grateful with every opportunities and do my best sa kung anong work ang nandyan.

“Since Born to Shine is extended until next year, let’s just hope and see if kasama ba ang character ko hanggng matapos na din ang show.

“Siguro by next year din, I might consider din having a manager, since matagal-tagal na rin akong freelance.”

-30-