PCU VS PERPETUAL SA PUBL DO-OR-DIE

MAGHAHARAP ang kapwa powerhouse Philippine Christian University Dolphins at University of Perpetual Help Daltas sa krusyal na rubbermatch semifinal ng Philippine Universities Basketball League ( PUBL)sa Lasam Gym,Binondo .

Ang Dolphins ni coach Biboy Simon ay determinadong maiuwi ang prestihiyosong titulo ng ligang may basbas ng FESSAP pero kailangang malusutan ang mapanganib na Daltas kung saan ang magwawagi ay uusad sa finals at makakatunggali sa kampeonato ang Mapua Cardinals na dumaig sa AIMS Blue Sharks sa naunang semis match.

“Ready ang mga bata.We hope for the best”, wika ng dating PBA, MBA at UM. sharpshooter na si Simon.

Ang naging NCAA champion PCU Dolphins ay binubuo nina James Ryan Fajardo, Lyon Royle Palligayan, Edward Neil Velasco, Ferr Bryan Concepcion, Castrol Troy Manipolo, Christian Austria, Kennrth Obroha, Leonel Failon, Marcus Troi Ramos, Von Carlo Dangiwan, Yam Concepcion, Amad Agustin Guiam, John Benedict Abella at Jaddie Antonio. Assistant coach sina Mark Edison Ordonez at Ronald Simon. (Danny Simon)