PPA matagumpay na binuksan international conference para lumawak kaalaman ng mga Pinoy port engineer

Matagumpay na pinangunahan ng mga opisyal ng Philippine Ports Authority (PPA) at Permanent International Association of Navigation Congresses (PIANC) ang kauna-unahang face-to-face international conference ng Coastal and Port Engineering in Developing Countries (COPEDEC) makalipas ang tatlong taong pananalasa ng COVID-19 pandemic.

Idinaos ang 10th international conference ng COPEDEC nitong Martes ng umaga, Oktubre 10 sa Philippine International Convention Center (PICC) sa Pasay City.

Dinaluhan ito ng mga delegado mula sa iba’t ibang miyembrong bansa gaya ng Pilipinas, Argentina, Australia, Austria, Belgium, Brazil, Canada, China, Colombia, Denmark, Estonia, Finland, France, Germany, India, Iran, Italy, Japan, Korea, Netherlands, New Zealand, Norway, Poland, Portugal, Serbia, South Africa, Spain, Sweden, Switzerland, U.S.A. at United Kingdom.

Ayon kay PPA General Manager Jay Daniel Santiago, magandang oportunidad ang pagsasagawa ng mga ganitong klaseng pagtitipon upang mas lalong lumawak ang kaalaman at skills ng mga Pilipinong port engineer.

“As far as our PPA engineers are concerned, we will be able to apply the learnings from the conference, and based on the attendance of participants and exhibitors, they presented new technologies and approaches to port engineering which I think we need to be able to expose our designers and engineers to use these new technologies and approaches,” ani GM Santiago.

“These new technologies and approaches do not only address current climate change challenges, but they also address requirements for carbon neutrality and ecological sustainability. We need to migrate to those levels of new technologies in order to make sure that our infrastructure and our facilities are ecologically sustainable,” dagdag pa niya.

Samantala, nagpasalamat si PIANC President Francisco Esteban Lefler sa PPA sa matagumpay na pagbubukas ng nasabing pagtitipon at sa mainit na pagtanggap ng Pilipinas makalipas ang 40 taon simula nang unang ilunsad ang COPEDEC noong 1983 sa Sri Lanka.

“Our motto in PIANC, that’s Navigare Necesse, which means we need to navigate. I think we have chosen the right place to put it in practice with our partnership with the Philippine Ports Authority, that I have to congratulate for the great job done and the organization of this event,” ani Lefler.

Punong-puno ng aktibidad ang nasabing pagtitipon na magtatagal hanggang Biyernes, Oktubre 13, 2023.

Nakatakdang talakayin ang lahat ng patungkol sa mga pantalan magmula sa planning, construction at maintenance.