Dentista na bgy. kagawad kinatay sa loob ng bahay

TADTAD ng saksak at walang buhay nang matagpuan ang isang dentista at kagawad ng barangay sa loob ng kanyang tahanan sa Calapan City, Oriental Mindoro.

Kinilala ang biktima na si Dr. Augustine Bolor, Jr. na mas kilala bilang “Doc Teng”, kagawad ng Barangay San Vicente Central, Calapan City. Nadiskubre ang kanyang bangkay 8:30 ng umaga ng Linggo.

Ayon kay Lt. Colonel Danilo Driz, hepe ng pulisya ng lungsod, posibleng pagnanakaw ang motibo ng krimen.

Minsan nang nag-viral sa social media ang biktima dahil sa napakaraming suot na alahas.

Patuloy pang nag-iimbestiga ang pulisya sa krimen.(Ronald Bula)