4 NCR cops buking na adik

NAGPOSITIBO sa pag-gamit ng iligal na droga ang apat na pulis sa Metro Manila matapos ang sunud-sunod na drug test pagkakaraan ng holiday season, ayon sa National Capital Region Police Office (NCRPO).

Sinabi ni NCRPO spokesperson Lt. Colonel Eunice Salas, isa sa 175 pulis mula sa NCRPO regional headquarters ay nagpositibo sa random drug test na isinagawa Enero 4.

Tatlo naman sa 405 tauhan mula sa Eastern Police District (EPD) ang nagpositibo rin sa random test noong Enero 2.

Lahat ng apat na pulis ay nagpositibo rin sa confirmatory test.

Sinabi ni Salas, ang tatlong pulis ng EPD ay naitalaga sa District Administrative Holding and Accounting Section habang ang isa pa ay inilipat sa Administrative and Resource Management Division – Personnel Holding and Accounting Section (PHAS) ng NCRPO sa NCRPO.

“(They have) 15 days to challenge it. Pa drug test ulit nila yung same specimen sa DOH Accredited Drug Testing Centers. Then they will be subjected to pre-charge investigation and the summary hearing proceedings penalty is dismissal from the police service,” dagdag pa ni Salas.

Samantala, sinabi ni NCRPO chief Major General Jose Melencio Nartatez na magpapatuloy ang random drug test bilang bahagi ng internal cleansing efforts ng pulisya. (Boy Celario)