Ginang huli sa pagbebenta ng pekeng ID ng PhilHealth sa online

Inaresto ng mga elemento Philippine National Police Anti-cybercrime Group (PNP-ACG) ang 42-anyos na babae na nagbebenta ng mga pekeng Identification card ng PhilHealth sa online sa isinagawang entrapment operation sa Quezon City nitong Miyerkules ng umaga.

Kinilala naaresto na si Maria Trinidad De Castro y Subaldo, 42, ng 5 P Pelaez, Brgy. Villa Maria Clara Project. 4, Quezon, City, Metro Manila

Ayon kay Col Jay Guillermo, Spokesman ng PNP-ACG, 10:50 ng umaga nang magsagawa ng entrapment operation ang pnagsanib na elemento ng Northern District Anti Cybercrime Team (NDACT), Quezon City District Anti Cybercrime, Quezon City Police Station sa tapat Watsons Pharmacy sa 21st Ave., Brgy. Tagumpay P. Tuazon Blvd. Quezon City, Metro Manila.

Isinagawa ang operasyon base sa reklamo ni Michael S. Ani, Special Investigator II ng PhilHealth kaungay ng pagbebenta ng mga pekeng Philhealth sa oniline

Nakumpiska sa suspek ang (5) pcs ng PhilHealth ID; 1 Samsung Cellphone at mark money na ginamit sa entrapment operation.

Nasa kustodiya ng PNP-ACG ang suspek habang sumasailalim sa imbestigasyon at paghahanda ng kaukulang kaso sa Quezon City Prosecutor Office.(Mark Obleada)