Rep. Alvarez bumahag ang buntot, atras sa paghikayat sa AFP laban kay PBBM

MATAPOS hikayatin ang Armed Forces of the Philippines na bawiin ang suporta kay Pangulong “Bongbong” Marcos Jr, humingi ng paumanhin si Davao del Norte Representative at dating Spea-ker Pantaleon Alvarez sa Punong Ehekutibo.

“I’m sorry, I was affected by a surge of emotions. I love the Philippines, especially Mindanao,” sabi ng dating Speaker.

“And how can I stay silent, look at what has happened? We are being brought by Malacanang towards a war with China even if China will overtake America in terms of economy, technology, and military might,” rason ni Alvarez.

Nilinaw ni Alvarez, dikit na kaalyado’t kaibigan ni dating Presidente Rodrigo Duterte, na ang kanyang apela sa AFP ay hindi panawagan para sa kudeta laban sa kasalukuyang administrasyon.

“It was done in a peaceful and orderly manner,” paliwanag niya.

“How can we consider that seditious or disorderly conduct when it was done in a peaceful and orderly manner? There is really dissatisfaction within the AFP, and in our history, they have done several coups before,” paliwanag pa ni Alvarez. “That’s why I made an appeal, I swallowed my pride just to appeal that there be no exchange of gunfire, no tumultuous or public uprising, and no force or intimidation.” .

Sa kanyang talumpati noong Linggo, hinikayat ni Alvarez ang AFP na magwidro ng suporta sa President para mapilitan itong bumaba sa puwesto.

“Pag nag-withdraw po kayo ng suporta sa kanya, wala na siyang magagawa kundi bababa sa puwesto niya,” sigaw ni Alvarez sa isang rally sa Tagum City.

Ang panawagang ito ni Alvarez ay tinuligsa ni Camiguin Rep. Jurdin Jesus Romualdo at hinikayat ang Department of Justice na magsampa ng kasong ‘sedition’ laban kay Alvarez.

Pinag-iingat naman nina Surigao del Sur Rep. Johnny Pimentel at Lanao del Norte Rep. Khalid Dimaporo ang kanilang dating kasamahan sa pagsagawa ng nakagagalit na salita.