SK chairman timbog sa tinortyur na aso

NAHAHARAP sa kasong paglabag sa Republic Ac No. 8485 (The Animal Welfare Act of 1998) ang isang tserman ng Sangguniang Kabataan at mga kasama nito nang makuhanan ng video habang kinakatay ang isang aso sa Pilar, Capiz.

Sa viral video, makikita ang grupo ng mga kalalakihan kasama ang SK Chairman na pinapalo ang aso sa isang basketball court hanggang sa mamatay.

Maririnig din ang tawanan ng mga lalaki habang hinahampas ang aso ng kawayan.

Patuloy ang imbestigasyon ng mga awtoridad sa nangyari upang matukoy ang pagkakilanlan ng iba pang lalaki sa video.