Binata tumalon sa Macatel falls, lasog

NASAWI ang isang binata nang tumama ang ulo nito sa bato kasunod ng pagtalon sa isang falls sa bayan ng Sta. Praxedes, Cagayan.

Kinilala ang biktima na si alyas Mario, 19 anyos, ng Barangay Macatel sa naturang bayan.

Sa ulat ng PNP Sta. Praxedes, nagkayayaan ang biktima kasama ang apat nitong kaibigan na mamasyal at mag-swimmimg sa Macapel Falls, at nag-inuman pa ang mga ito bago maligo.

Ayon sa report, tumalon ang biktima sa 10-talampakang taas na falls, na maaaring hindi nito nakontrol ang pagtalon kaya sa kanyang pagbagsak ay tumama ang ulo sa mga bato sa gilid ng talon.

Nang magkayayaan na ang kanilang grupo upang umuwi na, dito na nila napansin nawawala ang biktima, at nang tingnan ang tubig tumambad sa kanila ang nakalutang na katawan ni Mario.