Robin minaliit plunder case ni Trillanes vs Duterte, Bong Go

Binalewala lamang ni Senador Robin Padilla ang nakatakdang paghahain ni dating Senador Antonio Trillanes IV ng kasong plunder laban kay dating Pangulong Rodrigo Duterte at Senador Christopher “Bong” Go.

Ayon kay Padilla, hindi na bago at misyon na umano ni Trillanes na kalabanin ang mga Duterte kaya hindi na nakakapagtaka na maghain ang dating senador ng kaso laban sa dating Pangulo at kay Go.

Wala namang bago doon. Talaga namang yan na ata ang misyon ni Sen Trillanes noon pa. Karapatan niya yan, karapatan ni Sen Trillanes. Alam ko naman sasagutin yan,” sa Padilla sa ambush interview ng mga reporter.

Nakatakdang ihain ni Trillanes ang plunder laban kina Duterte at Go sa Biyernes ng umaga sa Department of Justice.

May kaugnayan ito sa P6 bilyong infrastructure project na iginawad sa ama at kapatid ni Go noong mayor pa ng Davao City si Duterte.