Marcos: Angara may dalang pagbabago sa DepeD

INAMIN ni Pangulong Ferdinand Marcos Jr. na inaasahan niyang magkakaroon ng pagbabago sa Department of Education (DepEd).

Ginawa ni PBBM ang pahayag matapos i-anunsiyo na si Sen. Sonny Angara na ang magiging susunod na kalihim ng DepEd.

Aniya, sa pagpasok ni Angara ay inaasahan niya ang mga pagbabagong gagawin ng senador sa kagawaran.

Matatandaang nilinaw ni Presidential Communications Office (PCO) Sec. Cheloy Garafil na si Vice President Sara Duterte pa rin ang pinuno ng ahensya hanggang Hulyo 18.

Maliban dito, binanggit din ni Garafil na wala pang naitatakdang oath-taking ceremony para kay Angara na magiging hudyat ng opisyal niyang pag-upo sa naturang departamento. (Gilbert Perdez)